Oригами цветови повеќе модели ( ретро)

Во оригами техниката  татко ми има изработено повеќе модели кои ќе ги прикажеме овде . Тоа се  цветови аранжирани во букети сместени во вазни било направено од хартија и  или купени . Сите цветови се изработени од хартија во А4 формат во разни бои . Листовите и стебленцата се исто така изработени од зелена хартија . Се надевам ќе уживате . Во следниот пост ќе прикажеме еден кактус во оригами техника .

Омиленото виолетово цветче

Воопшто и не знаев дека татко ми го работи ова прекрасно украсче . Мајка ми доаѓаше и често ми викаше  татко работи нешто дома витка хартија не знам што е . По неколку недели така, ми го донесоа дома . Мало поставено во глинена саксија грееше со виолетовите цветчиња . Ја отворив устата и од неа не изезе ништо . Едноставно останав без текст .Тоа беше  совршен украс . Немаше што да кажам завладеа тишина  . Прецизно совршено складно изработен украс  и совршени бои на хартијата, чиниш можеш да го набереш или треба да го полееш .Го допрев полека дури ми беше страв да го допрам да не му ја намалам убавината .  Заедно баравме да видиме како се вика и најдовме името му е Fuchsia растение со можеби најживите бои од сите . Секој ден го гледам и разгледувам и му се смешкам  и помислувам колку само ми влијае позитивно на расположението